அஸ்ஸலாமு அலைக்கும் வரஹ்,
பயணம் புறப்பட்டு வாகனத்தில் அமர்ந்ததும் கேட்கப்படும் பிரார்த்தனை!
*************************
இப்னு உமர் (ரலி) அவர்கள் மக்களுக்கு (பின் வரும் பிரார்த்தனையை)க் கற்றுத் தந்தார்கள்.
அல்லர்வின் தூதர் (ஸல்) அவர்கள் எங்கேனும் பயணம் புறப்பட்டால் தமது ஒட்டகத்தில் ஏறி அமர்ந்தவுடன் மூன்று முறை தக்பீர் (அல்லாஹு அக்பர்) கூறுவார்கள். பிறகு, ''சுப்ஹானல்லதீ சக்ர லனா ஹாதா, வ மா குன்னா லஹு முக்ரினீன, வ இன்னா இலா ரப்பினா ல முன்கலிபூன், அல்லாஹும்ம இன்னா நஸ்அலுக ஃபீ ஸஃப்ரினா ஹாதா அல்பிர்ர வத்தக்வா. வ மினல் அமலி மா தர்ளா, அல்லஹும்ம ஹவ்வின் அலைனா ஸஃப்ரனா ஹாதா, வத்வி அன்னா புஅதஹ், அல்லாஹும்ம அன்த்தஸ் ஸாஹிபு ஃபிஸ்ஸஃபரி வல்கலீஃபத்து ஃபில்அஹ்ல், அல்லாஹும்ம இன்னீ அவூதுபிக்க மின் வவுஸாயிஸ் ஸஃபரி, வ கஆபத்தில் மன்ழரி, வ சூயில் முன்கலபி ஃபில்மாலி வல்அஹ்ல்'' என்று கூறுவார்கள். அறிவிப்பவர் அலீ பின் அப்துல்லாஹ் அல்அஸ்தீ (ரஹ்) (நூல்கள் - முஸ்லிம் 2612, திர்மிதீ 3447, அபூதாவூத் 2599, அஹ்மத் 6338, தாரிமீ 2673)
سُبْحَانَ الَّذِي سَخَّرَ لَنَا هَذَا وَمَا كُنَّا لَهُ مُقْرِنِينَ وَإِنَّا إِلَى رَبِّنَا لَمُنْقَلِبُونَ اللَّهُمَّ إِنَّا نَسْأَلُكَ فِي سَفَرِنَا هَذَا الْبِرَّ وَالتَّقْوَى وَمِنْ الْعَمَلِ مَا تَرْضَى اللَّهُمَّ هَوِّنْ عَلَيْنَا سَفَرَنَا هَذَا وَاطْوِ عَنَّا بُعْدَهُ اللَّهُمَّ أَنْتَ الصَّاحِبُ فِي السَّفَرِ وَالْخَلِيفَةُ فِي الْأَهْلِ اللَّهُمَّ إِنِّي أَعُوذُ بِكَ مِنْ وَعْثَاءِ السَّفَرِ وَكَآبَةِ الْمَنْظَرِ وَسُوءِ الْمُنْقَلَبِ فِي الْمَالِ وَالْأَهْلِ وَإِذَا رَجَعَ قَالَهُنَّ وَزَادَ فِيهِنَّ آيِبُونَ تَائِبُونَ عَابِدُونَ لِرَبِّنَا حَامِدُونَ
பொருள்:- நாங்கள் இ(ந்த வாகனத்)தைக் கையாளும் திறன் பெற்றிராத நிலையில் எங்களுக்கு இதைப் பணியவைத்த (இறை)வன் தூயவன். நாங்கள் எங்கள் இறைவனிடமே திரும்பிச் செல்லக்கூடியவர்களாய் உள்ளோம். இறைவா! இப்பயணத்தில் நன்மையையும், இறையச்சத்தையும், நீ திருப்தியடையக்கூடிய செயல்களையும் உன்னிடம் வேண்டுகிறோம். இறைவா! இப்பயணத்தை எங்களுக்கு எளிதாக்குவாயாக! இப்பயணத்தின் தூரத்தைச் சுருக்குவாயாக! இறைவா! நீயே என் பயணத்தோழனாகவும் என் குடும்பத்தின் பிரதிநிதியாகவும் இருப்பாயாக! இறைவா பயணத்தின் சிரமங்களிலிருந்தும், நிலைகுலையச் செய்யும் துயரக் காட்சியிலிருந்தும், செல்வத்திலும் குடும்பத்திலும் நிகழ்ந்துவிடும் தீய மாற்றங்களிலிருந்தும் உன்னிடம் பாதுகாப்புக் கோருகிறேன்)
திரும்பி வரும்போதும் இவ்வாறே பிராத்திப்பார்கள். ஆனால், அவற்றுடன் பின்வரும் வரிகளையம் கூடுதலாக ஓதுவார்கள். ''ஆயிபூன, தாயிபூன, ஆபிதூன லி ரப்பனா ஹாமிதூன்'' (பொருள்:- பாவமன்னிப்புக் கோரி மீண்டவர்களாகவும், எங்கள் இறைவனை வழிபட்டவர்களாகவும் அவனைப் போற்றிப் புகழ்ந்தவர்களாகவும் திரும்புகிறோம்.)
அறிவிப்பவர் அலீ பின் அப்துல்லாஹ் அல்அஸ்தீ (ரஹ்) (நூல்கள் - முஸ்லிம் 2612, திர்மிதீ 3447, அபூதாவூத் 2599, அஹ்மத் 6338, தாரிமீ 2673)
கருத்துகள் இல்லை:
கருத்துரையிடுக